Fasteignamarkaðurinn hitnar en framkvæmdum fækkar Lovísa Arnardóttir skrifar 18. apríl 2024 07:55 Staðan í Grindavík hefur mikil áhrif á fasteignamarkaðinn. 675 íbúar hafa óskað þess að Þórkatla fasteignafélag kaupi sig út. Vísir/Arnar Fasteignamarkaðurinn hitnaði verulega í febrúar og líklega í mars líka. Sömu áhrifa er á gæta á leigumarkaði þar sem verð hefur hækkað. Áhrifanna er að mestu að gæta á höfuðborgarsvæðinu og í sveitarfélögunum í kring. Staða íbúa í Grindavík hefur þarna mikil áhrif. Á sama tíma hefur byggingaframkvæmdum fækkað og er yfirvofandi samdráttur í byggingariðnaði. Alls voru gerðir 990 kaupsamningar í febrúar. Það eru 80 prósent fleiri samanborið við mánuðinn á undan og helmingi fleiri en í febrúar í fyrra. Mest er breytingin í nágrenni höfuðborgarsvæðisins en gerðir voru ríflega þrefalt fleiri kaupsamningar í Reykjanesbæ samanborið við fyrri mánuð. Rúmlega tvöfalt fleiri samningar voru gerðir á Akranesi og tæplega tvöfalt fleiri í Sveitarfélaginu Árborg. Fermetraverðið hefur hækkað.Mynd/Húsnæðis- og mannvirkjastofnun Þetta, og meira, kemur fram í nýrri mánaðarskýrslu Húsnæðis- og mannvirkjastofnunar, HMS. Þar segir að gögn um fasteignaauglýsingar bendi til þess að umsvif á fasteignamarkaði hafi einnig verið mikil í mars. Margar íbúðir hafi verið teknar úr birtingu af auglýsingasíðum, eða alls 1.251. í febrúar voru það 1.420. Það eru samanlagt 2.671. Til samanburðar voru þær undir 800 í nóvember og desember á síðasta ári. Þessu tengt er auðvitað staðan í Grindavík en í lok síðustu viku fóru í gegn fyrstu kaup ríkisins á íbúðarhúsnæði í Grindavík í gegnum fasteignafélagið Þórkötlu. Þá höfðu alls 675 sótt um að Þórkatla keypti þau út. Í skýrslu HMS segir að til samanburðar hafi að meðaltali 625 kaupsamningum verið þinglýst í hverjum mánuði á höfuðborgarsvæðinu og í nágrenni þess í fyrra. Ný íbúðakaup Grindvíkinga gætu því jafngilt mánaðareftirspurn á svæðinu. Fleiri íbúðir seljast á yfirverði Í skýrslu HMS kemur fram að í febrúar hafi alls 13,4 prósent allra íbúða selst á yfirverði samanborið við 9,9 prósent þeirra í janúar. Hækkunin er að mestu vegna íbúða sem hafa selst á yfirverði á höfuðborgarsvæðinu en 15 prósent íbúða þar seldust á yfirverði í febrúar. Í nágrenni höfuðborgarsvæðisins seldust um 9,1 prósent íbúða á yfirverði. Annars staðar á landinu var hlutfallið 11,8 prósent. Hlutfall íbúða sem seljast yfir ásettu verði hefur hækkað mikið, sérstaklega í póstnúmeri 107 og 220.Mynd/Húsnæðis- og mannvirkjastofnun Mestur er áhuginn, eða kaupþrýstingurinn á höfuðborgarsvæðinu í póstnúmerum 107 og 220 þar sem þriðja hver íbúð seldist á yfirverði. Þar á eftir koma póstnúmer 108, 111, 113 og 203, þar sem íbúðir seldust á yfirverði í yfir 20 prósent tilfella. Utan höfuðborgarsvæðis er mestur kaupþrýstingur í Reykjanesbæ en tæplega fimmta hver íbúð seldist á yfirverði þar í febrúar. Leiguverð hækkað hratt á Suðurnesjum Þá segir í skýrslunni að einnig séu merki um viðsnúning á leigumarkaði. Leiguverð hafi hækkað hratt umfram almennt verðlag sér í lagi á Suðurnesjum. Leigjandi stærri (3 til 4 herbergja) leiguíbúðar á Suðurnesjum greiddi 215 þúsund krónur í upphafi árs 2023 en greiðir nú um 285 þúsund krónur eða 70 þúsund krónum meira. Þá segir að leiguverð, hvort heldur sem um er að ræða minni (1-2 herbergja) eða stærri leiguíbúða á Suðurnesjum, sé nú 16 prósent hærra en það var september í fyrra. Hækkanir á meðalleiguverði á höfuðborgarsvæðinu eru á bilinu frá 3 prósent til 9 prósent á sama tíma. Verð á húsnæði hefur hækkað og líka leigan.Mynd/Húsnæðis- og mannvirkjastofnun Þá má einnig sjá áhrif þessa á lánamarkaði en heimilin leita nú til banka í auknum mæli í fjármögnun íbúðakaupa. Þetta er breyting frá síðasta ári þegar mikið jafnræði ríkti milli banka og lífeyrissjóða í nýjum lánveitingum til íbúðakaupa heimila. Hrein ný íbúðalán jukust um 20 prósent frá því í janúar en alls námu þau um 12,2 milljörðum króna í febrúar. Megnið af þessum hreinu nýju íbúðalánum í febrúar voru útlán banka til heimila eða 9 milljarðar af þessum 12,2 milljörðum króna hreinum nýjum útlánum til heimila. Fjárhæð nýrra lánveitinga banka í janúar og febrúar er tæplega tvöfalt hærri samanborið við lífeyrissjóði landsins. Framkvæmdum fækkar á sama tíma Á sama tíma hefur byggingamarkaðurinn dregist saman á síðustu mánuðum. Íbúðatalning HMS sýnir að framkvæmdum hafi fækkað á síðustu 12 mánuðum. Út frá talningunni er áætlað að 1.406 íbúðir komi á markað árið 2026. Það er um og innan við helmingur af væntu framboði íbúða í ár og eins á næsta ári. Í skýrslu HMS segir að þetta sé vegna þess að ráðist hafi verið í of fáar framkvæmdir á síðasta ári. Úr talningu HMS í mars og í september kemur fram að framkvæmdir voru byrjaðar á 1.887 íbúðum, þar af 1.333 á höfuðborgarsvæðinu. „Um er að ræða einungis um helming af þeim framkvæmdum sem fóru af stað síðustu tólf mánuði þar á undan á höfuðborgarsvæðinu. Enn ýktari sögu er að segja af nágrenni höfuðborgarsvæðis en 261 íbúð fór í framkvæmd á síðustu tólf mánuðum samanborið við 1.002 tólf mánuði þar á undan,“ segir í skýrslunni. Fjölda þarf framkvæmdum til að halda í við væntingar samkvæmt skýrslu HMS.Mynd/Húsnæðis- og mannvirkjastofnun Í Reykjavíkurborg telja nýjar framkvæmdir 336 íbúðir, í Kópavogsbæ telja þær 52 íbúðir, í Garðabæ 164 íbúðir, í Hafnarfjarðarbæ 145 íbúðir og í Mosfellsbæ 38 íbúðir. Fyrir utan höfuðborgarsvæðið eru flestar nýjar framkvæmdir í Sveitarfélaginu Árborg þar sem þær telja 92 íbúðir, í Akureyrarbæ telja þær 62 íbúðir og í Sveitarfélaginu Vogum 38 íbúðir. Yfirvofandi samdráttur í byggingariðnaði Talningar HMS og kannanir Samtaka iðnaðarins (SI) benda til mikils samdráttar í byggingariðnaði frá ársbyrjun 2023. Könnun SI frá janúar 2023 sýndi 65 prósenta samdrátt í áformum um nýjar byggingarframkvæmdir. Þessi spá raungerðist samkvæmt talningu HMS í september sama ár sem sýndi 70 prósenta samdrátt í nýjum framkvæmdum miðað við árið á undan. Í skýrslu HMS segir að könnun SI í byrjun mars á þessu ári hafi svo gefið vísbendingu um 15 prósenta samdrátt í áformum til viðbótar á milli ára, en nýjasta íbúðatalning HMS í mars, sem sýndi 9,3 prósenta samdrátt í umfangi íbúða í byggingu, staðfesti þær vísbendingar. Vænt framboð og svo vænt hlutfall uppfylltrar íbúðaþarfar. Mynd/Húsnæðis- og mannvirkjastofnun Taflan hér að ofan sýnir íbúðaþörf, samanborið við vænt framboð íbúða samkvæmt nýjustu íbúðatalningu HMS. Samkvæmt henni mun uppbygging íbúða einungis ná að sinna um 56% af væntri íbúðaþörf þessa árs og næsta árs, ef tekið er tillit til aukinnar húsnæðisþarfar vegna búferlaflutninga Grindvíkinga. Samkvæmt áætlun HMS munu 1.406 íbúðir sem eru nú í byggingu koma inn á markað árið 2026. Samkvæmt þeirra gögnum er það nægilega mikið til að sinna um 29 prósent af væntri íbúðaþörf á því ári. Hefja þyrfti framkvæmdir á tæplega 3.500 íbúðum til viðbótar það sem af er ári til að byggt verði í samræmi við íbúðaþörf árið 2026, ef gert er ráð fyrir að byggingartími hverrar íbúðar sé 18 til 24 mánuðir. Samkvæmt íbúðatalningunni var farið af stað með framkvæmdir á 1.065 íbúðum á milli september 2023 og mars 2024. Með óbreyttum hraða á nýjum framkvæmdum má því búast við að hafist verði handa við um 2.130 íbúðum á þessu ári. Tvöfalda þyrfti hraða nýrra framkvæmda á árinu hið minnsta til þess að hægt verði að sinna væntri íbúðaþörf árið 2026. Hægt er að kynna sér betur málið hér á vef HMS. Fasteignamarkaður Grindavík Eldgos og jarðhræringar Eldgos á Reykjanesskaga Efnahagsmál Byggingariðnaður Tengdar fréttir „Allir sem voru á þessum markaði spáðu því að þetta yrði svona“ Framkvæmdastjóri Jáverks segir að afleiðingar aðgerðarleysis stjórnvalda í húsnæðismálum séu að koma fram núna. Dýrt fjármagn og skortur á lóðaframboði hægi á uppbyggingu. 16. apríl 2024 23:52 Starfsskilyrði versna og skýr merki um samdrátt Gjaldþrotum starfandi fyrirtækja fjölgaði verulega á milli ára og í byggingariðnaði voru þau þrefalt fleiri í fyrra en árið á undan. Framkvæmdastjóri Samtaka iðnaðarins segir starfsskilyrði í greininni hafa versnað mikið og skýr merki um samdrátt í íbúðauppbyggingu. 14. febrúar 2024 11:47 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokar Önnu Jónu og segir það mikinn létti Viðskipti innlent „Ég var skíthrædd að senda þessa tölvupósta“ Atvinnulíf Bein útsending: Stærri styrktækifæri í mannvirkjaiðnaði Viðskipti innlent Hefja sölu á íbúðum á Orkureitnum Viðskipti innlent Frumkvöðlar koma saman í Kolaportinu Viðskipti innlent Stofnandi Binance dæmdur fyrir peningaþvætti Viðskipti erlent Bíllinn leggur meðan ég fæ mér drykk - smart #3 reynsluakstur Samstarf Ástin laðar að: Gott að vera kona á Íslandi, en ekki innflytjandi Atvinnulíf Vonast til að koma dánarbúinu í góðar hendur Neytendur Ráðherra bað um tíu milljarða króna í viðbót í arð Viðskipti innlent Fleiri fréttir Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Sjá meira
Alls voru gerðir 990 kaupsamningar í febrúar. Það eru 80 prósent fleiri samanborið við mánuðinn á undan og helmingi fleiri en í febrúar í fyrra. Mest er breytingin í nágrenni höfuðborgarsvæðisins en gerðir voru ríflega þrefalt fleiri kaupsamningar í Reykjanesbæ samanborið við fyrri mánuð. Rúmlega tvöfalt fleiri samningar voru gerðir á Akranesi og tæplega tvöfalt fleiri í Sveitarfélaginu Árborg. Fermetraverðið hefur hækkað.Mynd/Húsnæðis- og mannvirkjastofnun Þetta, og meira, kemur fram í nýrri mánaðarskýrslu Húsnæðis- og mannvirkjastofnunar, HMS. Þar segir að gögn um fasteignaauglýsingar bendi til þess að umsvif á fasteignamarkaði hafi einnig verið mikil í mars. Margar íbúðir hafi verið teknar úr birtingu af auglýsingasíðum, eða alls 1.251. í febrúar voru það 1.420. Það eru samanlagt 2.671. Til samanburðar voru þær undir 800 í nóvember og desember á síðasta ári. Þessu tengt er auðvitað staðan í Grindavík en í lok síðustu viku fóru í gegn fyrstu kaup ríkisins á íbúðarhúsnæði í Grindavík í gegnum fasteignafélagið Þórkötlu. Þá höfðu alls 675 sótt um að Þórkatla keypti þau út. Í skýrslu HMS segir að til samanburðar hafi að meðaltali 625 kaupsamningum verið þinglýst í hverjum mánuði á höfuðborgarsvæðinu og í nágrenni þess í fyrra. Ný íbúðakaup Grindvíkinga gætu því jafngilt mánaðareftirspurn á svæðinu. Fleiri íbúðir seljast á yfirverði Í skýrslu HMS kemur fram að í febrúar hafi alls 13,4 prósent allra íbúða selst á yfirverði samanborið við 9,9 prósent þeirra í janúar. Hækkunin er að mestu vegna íbúða sem hafa selst á yfirverði á höfuðborgarsvæðinu en 15 prósent íbúða þar seldust á yfirverði í febrúar. Í nágrenni höfuðborgarsvæðisins seldust um 9,1 prósent íbúða á yfirverði. Annars staðar á landinu var hlutfallið 11,8 prósent. Hlutfall íbúða sem seljast yfir ásettu verði hefur hækkað mikið, sérstaklega í póstnúmeri 107 og 220.Mynd/Húsnæðis- og mannvirkjastofnun Mestur er áhuginn, eða kaupþrýstingurinn á höfuðborgarsvæðinu í póstnúmerum 107 og 220 þar sem þriðja hver íbúð seldist á yfirverði. Þar á eftir koma póstnúmer 108, 111, 113 og 203, þar sem íbúðir seldust á yfirverði í yfir 20 prósent tilfella. Utan höfuðborgarsvæðis er mestur kaupþrýstingur í Reykjanesbæ en tæplega fimmta hver íbúð seldist á yfirverði þar í febrúar. Leiguverð hækkað hratt á Suðurnesjum Þá segir í skýrslunni að einnig séu merki um viðsnúning á leigumarkaði. Leiguverð hafi hækkað hratt umfram almennt verðlag sér í lagi á Suðurnesjum. Leigjandi stærri (3 til 4 herbergja) leiguíbúðar á Suðurnesjum greiddi 215 þúsund krónur í upphafi árs 2023 en greiðir nú um 285 þúsund krónur eða 70 þúsund krónum meira. Þá segir að leiguverð, hvort heldur sem um er að ræða minni (1-2 herbergja) eða stærri leiguíbúða á Suðurnesjum, sé nú 16 prósent hærra en það var september í fyrra. Hækkanir á meðalleiguverði á höfuðborgarsvæðinu eru á bilinu frá 3 prósent til 9 prósent á sama tíma. Verð á húsnæði hefur hækkað og líka leigan.Mynd/Húsnæðis- og mannvirkjastofnun Þá má einnig sjá áhrif þessa á lánamarkaði en heimilin leita nú til banka í auknum mæli í fjármögnun íbúðakaupa. Þetta er breyting frá síðasta ári þegar mikið jafnræði ríkti milli banka og lífeyrissjóða í nýjum lánveitingum til íbúðakaupa heimila. Hrein ný íbúðalán jukust um 20 prósent frá því í janúar en alls námu þau um 12,2 milljörðum króna í febrúar. Megnið af þessum hreinu nýju íbúðalánum í febrúar voru útlán banka til heimila eða 9 milljarðar af þessum 12,2 milljörðum króna hreinum nýjum útlánum til heimila. Fjárhæð nýrra lánveitinga banka í janúar og febrúar er tæplega tvöfalt hærri samanborið við lífeyrissjóði landsins. Framkvæmdum fækkar á sama tíma Á sama tíma hefur byggingamarkaðurinn dregist saman á síðustu mánuðum. Íbúðatalning HMS sýnir að framkvæmdum hafi fækkað á síðustu 12 mánuðum. Út frá talningunni er áætlað að 1.406 íbúðir komi á markað árið 2026. Það er um og innan við helmingur af væntu framboði íbúða í ár og eins á næsta ári. Í skýrslu HMS segir að þetta sé vegna þess að ráðist hafi verið í of fáar framkvæmdir á síðasta ári. Úr talningu HMS í mars og í september kemur fram að framkvæmdir voru byrjaðar á 1.887 íbúðum, þar af 1.333 á höfuðborgarsvæðinu. „Um er að ræða einungis um helming af þeim framkvæmdum sem fóru af stað síðustu tólf mánuði þar á undan á höfuðborgarsvæðinu. Enn ýktari sögu er að segja af nágrenni höfuðborgarsvæðis en 261 íbúð fór í framkvæmd á síðustu tólf mánuðum samanborið við 1.002 tólf mánuði þar á undan,“ segir í skýrslunni. Fjölda þarf framkvæmdum til að halda í við væntingar samkvæmt skýrslu HMS.Mynd/Húsnæðis- og mannvirkjastofnun Í Reykjavíkurborg telja nýjar framkvæmdir 336 íbúðir, í Kópavogsbæ telja þær 52 íbúðir, í Garðabæ 164 íbúðir, í Hafnarfjarðarbæ 145 íbúðir og í Mosfellsbæ 38 íbúðir. Fyrir utan höfuðborgarsvæðið eru flestar nýjar framkvæmdir í Sveitarfélaginu Árborg þar sem þær telja 92 íbúðir, í Akureyrarbæ telja þær 62 íbúðir og í Sveitarfélaginu Vogum 38 íbúðir. Yfirvofandi samdráttur í byggingariðnaði Talningar HMS og kannanir Samtaka iðnaðarins (SI) benda til mikils samdráttar í byggingariðnaði frá ársbyrjun 2023. Könnun SI frá janúar 2023 sýndi 65 prósenta samdrátt í áformum um nýjar byggingarframkvæmdir. Þessi spá raungerðist samkvæmt talningu HMS í september sama ár sem sýndi 70 prósenta samdrátt í nýjum framkvæmdum miðað við árið á undan. Í skýrslu HMS segir að könnun SI í byrjun mars á þessu ári hafi svo gefið vísbendingu um 15 prósenta samdrátt í áformum til viðbótar á milli ára, en nýjasta íbúðatalning HMS í mars, sem sýndi 9,3 prósenta samdrátt í umfangi íbúða í byggingu, staðfesti þær vísbendingar. Vænt framboð og svo vænt hlutfall uppfylltrar íbúðaþarfar. Mynd/Húsnæðis- og mannvirkjastofnun Taflan hér að ofan sýnir íbúðaþörf, samanborið við vænt framboð íbúða samkvæmt nýjustu íbúðatalningu HMS. Samkvæmt henni mun uppbygging íbúða einungis ná að sinna um 56% af væntri íbúðaþörf þessa árs og næsta árs, ef tekið er tillit til aukinnar húsnæðisþarfar vegna búferlaflutninga Grindvíkinga. Samkvæmt áætlun HMS munu 1.406 íbúðir sem eru nú í byggingu koma inn á markað árið 2026. Samkvæmt þeirra gögnum er það nægilega mikið til að sinna um 29 prósent af væntri íbúðaþörf á því ári. Hefja þyrfti framkvæmdir á tæplega 3.500 íbúðum til viðbótar það sem af er ári til að byggt verði í samræmi við íbúðaþörf árið 2026, ef gert er ráð fyrir að byggingartími hverrar íbúðar sé 18 til 24 mánuðir. Samkvæmt íbúðatalningunni var farið af stað með framkvæmdir á 1.065 íbúðum á milli september 2023 og mars 2024. Með óbreyttum hraða á nýjum framkvæmdum má því búast við að hafist verði handa við um 2.130 íbúðum á þessu ári. Tvöfalda þyrfti hraða nýrra framkvæmda á árinu hið minnsta til þess að hægt verði að sinna væntri íbúðaþörf árið 2026. Hægt er að kynna sér betur málið hér á vef HMS.
Fasteignamarkaður Grindavík Eldgos og jarðhræringar Eldgos á Reykjanesskaga Efnahagsmál Byggingariðnaður Tengdar fréttir „Allir sem voru á þessum markaði spáðu því að þetta yrði svona“ Framkvæmdastjóri Jáverks segir að afleiðingar aðgerðarleysis stjórnvalda í húsnæðismálum séu að koma fram núna. Dýrt fjármagn og skortur á lóðaframboði hægi á uppbyggingu. 16. apríl 2024 23:52 Starfsskilyrði versna og skýr merki um samdrátt Gjaldþrotum starfandi fyrirtækja fjölgaði verulega á milli ára og í byggingariðnaði voru þau þrefalt fleiri í fyrra en árið á undan. Framkvæmdastjóri Samtaka iðnaðarins segir starfsskilyrði í greininni hafa versnað mikið og skýr merki um samdrátt í íbúðauppbyggingu. 14. febrúar 2024 11:47 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokar Önnu Jónu og segir það mikinn létti Viðskipti innlent „Ég var skíthrædd að senda þessa tölvupósta“ Atvinnulíf Bein útsending: Stærri styrktækifæri í mannvirkjaiðnaði Viðskipti innlent Hefja sölu á íbúðum á Orkureitnum Viðskipti innlent Frumkvöðlar koma saman í Kolaportinu Viðskipti innlent Stofnandi Binance dæmdur fyrir peningaþvætti Viðskipti erlent Bíllinn leggur meðan ég fæ mér drykk - smart #3 reynsluakstur Samstarf Ástin laðar að: Gott að vera kona á Íslandi, en ekki innflytjandi Atvinnulíf Vonast til að koma dánarbúinu í góðar hendur Neytendur Ráðherra bað um tíu milljarða króna í viðbót í arð Viðskipti innlent Fleiri fréttir Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Sjá meira
„Allir sem voru á þessum markaði spáðu því að þetta yrði svona“ Framkvæmdastjóri Jáverks segir að afleiðingar aðgerðarleysis stjórnvalda í húsnæðismálum séu að koma fram núna. Dýrt fjármagn og skortur á lóðaframboði hægi á uppbyggingu. 16. apríl 2024 23:52
Starfsskilyrði versna og skýr merki um samdrátt Gjaldþrotum starfandi fyrirtækja fjölgaði verulega á milli ára og í byggingariðnaði voru þau þrefalt fleiri í fyrra en árið á undan. Framkvæmdastjóri Samtaka iðnaðarins segir starfsskilyrði í greininni hafa versnað mikið og skýr merki um samdrátt í íbúðauppbyggingu. 14. febrúar 2024 11:47